بسم الله الرحمن الرحيم
جاتلى فكرة حلوة اوووووى و قلت اقولهالكوا و اتمنى انكوا تتفاعلوا معايا فى الموضوع ...
الموضوع بعنوان :
المغامرة فى الحب
الحب شيىء جميل اووووووى اووووووى بيخللى الواحد يطير من السعادة و بجد بيحس بأحساس جميل اوووووى طول مهو بيحب و لكن الحب بحر عميق يحتاج اللى بيعرف يعوم فيه !! كتير اوووى من الناس حبوا قبليك .. قعدت مع واحد و فضلتوا تحكوا مع بعض و قلب الموضوع عن الحب وفضلتوا تتكلموا فى الحب و بهدلته و قالك يا عم بلا حب بلا هباب هوا الوحد ناقص دا الحب نهايته انك تاخد على قفاك و الكلام داا !!!!
كل دا و انت لسة موقعتش فى البحر ( الحب ) المهم .. و انت ماشى لقيت حتة بت رهيييييييبة و جميلة مووووت طبعا انت صايع و بصيت ... و بعد ما مشيت صورة البت مش راضية تروح من دماغك ( معلقة معاك ) فضلت تفكر فيها ليل و نهار و سألت نفسك ليه هيا شاغلة تفكيرك مع انك بتشوف بنات كتير حلوة اووووووى ( موزز ) اشمعنة دى اللى معلقة معايا ؟؟ يمكن عشان حلوة شويتين لا 3 شويات .. معرفش بقا .. المهم بعد 5 تيام شوفت نفس البنت و فجأة اترعشت و قلبك وقع فى صباع رجلك الصغير .. المهم انت مش قادر و هتموت و تكلمها .. حاولت تسبللها و هيا منفضالك اووووى .. رحت زقيتها ووقعت الكتب من ايديها و نزلت لمتهالها ( يااااااه دنتا قديم موووللة ) عمال تجيبها يمين تجيبها شمال مفيش فايدة ..
طبعا انت بقا اما بدات تهتم بيها بقيت تظبط شعرك و لبسك و تلبس احسن لبس و البرفان اللى كنت بتحطه فى العيد بقيت تحطه كل يوم و بقيت تستحما ( معجزة ) و اهتمامك زاد بنفسك عشان البت تحس بأهلك .. المهم رحت و انت اخر شياكة دخلت ناشف و كلمتها و عبرتلها عن اعجابك بيها و تجرأت و طلبت رقمها .. البت بييس ادتهولك ..
انت طبعا على اقرب محل موبايلات و اشتريت كارت شحن و شحنت مع ان موبايلك كان بيتشحن كل 9 شهور بـ 10
و طول الليل عمال تكلمها و فرحان اوووووى و عمالين تتكلموا المهم قلتلها فى الاخر تصبحى على خير .. تانى يوم بتتصل لقيت موبايلها مقفول كنت هتتجنن و ناقص تعيط و عاوز تكلمها باى طريقة وواحشاك اووووووى اووووووى المهم يا صبر ايوووب .. صبرت و اتصلت بلليل لقيتها فاتحاه و ردت واتكلمتوا و انت زعلان وبتقولها كان موبايلك مقفول ليه ( كأنها من بقيت اهلك ) و قالتلك كان فاصل شحن و خلاص يا عم الموضوع خلص .. البت عمالة تتقل عليك وانت هتتجنن و مش قادر
كلمة منى لكل اللى فى سنى و يا ريت يسمعوها .. متسمعش كلام اللى قبلك كل اللى قبلك حبوا منهم اللى اتجرحوا و منهم اللى مستمرين .. حتى لو اللى اتجرحوا بنسبة 99% .. ليه انت متكونش من الـ 1% اللى استمروا فى الحب ..
خللى قرارك من نفسك مش من تجربة الغير .. اسمع قلبك و متكتموش .. هتقول الحب بهدلة ؟؟ بس متنكرش بهدلة حلوة اووووى .. لو هتستحملها انزل الميا علطول .. لو انت بقا شاب فرفور خلاص ase u like
و السؤال تانى ..
هتطلع من الميا وتحاول تبعد عن الحتة بتاعتك ؟؟
و لا هتنزل الميا و تسمع نبض قلبك و هوا بيقولها بحبك ؟؟